بعد التحيه .. وبعد السلآم
إزيك يا ريس .. و إزي المدام
ازيك كده .. و إزي العيال
وايه أخبار .. الواد جمال
هتمسكو الرئاسه ؟
الواد يا عم خلاص كبر
مسكهالو في الخبآسه
و اوعى الشعب ياخد خبر
وقبل ما انسى .. أنا بشكرك
علشان يعني بتسأل علينا
ربنا ياريس يقدرك
ويخليك كمان لينا
شكرآ يا ريس .. على كل حال
الشعب كويس .. و فل و عال
الشعب واكل .. ماعندوش مشاكل
والشباب شغال
واللى يقولك : فيه بطاله
والمواصلات : مش شغاله
والحكومه : حالها زباله
ولازم تتشال
إبعتله بسرعه ولاد الحلال
من أفاهه يشحنوه
وهيكرموه .. ويشغلوه
فى أبو زعبل .. يكسر جبال
أهو أحسن من قاعده القهاوي
ويقعد يقول .. كوسه ورشاوي
ويقول عليك .. كلام بطال
وعندي كلمة .. وأنا مآبخفش
وهفضل أقول .. كلمة حق
عليها مسئول
الريس رآجل طيب
و بشعـبُه دايما مشغول
مشغول إنه يلم فلوسنا .. بره سويسرا يحوشهلنا
وفي حسابات سريه .. يشيلهآلنا
نـِـفسه يــِـأمـّن .. مستقبلنا
شوفته ازاى بقه قلبه رحيم !
عـَـندُه إيمان .. وضميره سليم
بيجوعكو لجل تخسوا .. آه ياشعب محتاج لرجيم
من جهلكو بتقولوا بطاله .. وإن الأحوال مش شغاله
ده الراجل نفسه يريحكم .. هي الراحه تبقى عواله !
والله انتوا ظالمين ...
الراجل ضيع عُمره بالـ 30 ..
ومين يستاهل !
حتى الأكل بياكله بدالنا .. طالع واكل نازل واكل
بقى بعد دا كله .. مالــُـه الريس !!
✿✿✿
وفي الختآم
مني السلام
لبطلنآ الهـُـمام
بطل الوعود .. وكــُـتر الكلام
ودُقي يآ مزيكآ
وأخيرآ ...
✿✿✿
دعوة :
اللهم ولي أمورنا خيارنا ..
ولا تولي أمورنا شرارنا
ولا تسلط علينا بذنوبنا ..
من لا يخافك ولا يرحمنا
اللهم أهلك الظالمين بالظالمين ..
وأخرجنا من بينهم سالمين
اذا رأيت القلم يبكي يوما فاعلم ان سامر اعتزل الكتابه
او راح المعتقل هههههههههههههه
موضوع: بحبك يا مبارك 
الجمعة سبتمبر 17, 2010 5:07 am
