موضوع: شخابيط على الحيطان .. الإثنين يناير 18, 2010 7:26 pm
ليه فيه ناس لما تلاقي حاجة نضيفة بتحاول تشوها ؟..... يعني مثلا بالنسبة للحيطان ....... ليه فيه ناس لما تلاقي حيطة نضيفة بتشخبط عليها ؟ ....... منظر غير حضاري مش كده ؟
- يعني تلاقي فيه ناس بتتعامل مع الجدران على أساس إنها نصب تذكاري لتخليد ذكرى كل بطل عدّي من جنب الحيطة دي .....فمينفعش يعدي من جنبها إلا ولازم يكتب إسمه ...... فمتستغربش لما تلاقي حيطة مكتوب عليها .
( عصابة الرباعي المرعب ...... قابل الموت ولا تقابلهومش [ندعوك للتسجيل في المنتدى أو التعريف بنفسك لمعاينة هذه الصورة] ) ..... ويرسملك جنبها الجمجمة إلي طالع منها عضمتين .
- واحد تاني تلاقيه واخد زمبة من حبيبته .... فميلاقيش حتة يكتبلها فيها إلا على السور إلي كانو بيتقابلو عنده علطول , فيكتبلها قصيدة ملتهبة تعبر عن مدى لوعته وحسرته لما صفاء سابته .
بحبك يا صفااااااء
ده البعد عنك جبلي داااء
وإرجعي بقى دإنت من يوم مابعدتي وانا عمال أقول واااء .... واااء [ندعوك للتسجيل في المنتدى أو التعريف بنفسك لمعاينة هذه الصورة]
الإمضاء ( المدهول على عينه, ننوس عين صفاء )
ويمكن تكون صفاء معدية على السور ده فترد عليه هي كمان .
- فيه ناس بقى بتحب تكتب مذكراتها على الجدران ..... فمثلا يكون أحمد وخطيبته منار رايحيين جنينة فيكتب أحمد على الحيطة ( أحمد + منار = حب للأبد [ندعوك للتسجيل في المنتدى أو التعريف بنفسك لمعاينة هذه الصورة] 3 - 5- 1990) .
بعد سنة جواز يروحو نفس الجنينة ..... فيكتب على نفس الحيطة ( أحمد + منار = حب بس مش للأبد [ندعوك للتسجيل في المنتدى أو التعريف بنفسك لمعاينة هذه الصورة] 3- 5 -1991) .
بعد عشر سنين يروحو نفس الجنينة .... ويكتب على نفس الحيطة ( أحمد + منار = أرف ووش ووجع دماغ [ندعوك للتسجيل في المنتدى أو التعريف بنفسك لمعاينة هذه الصورة] 3-5- 2001 )
لما يكملو 20 سنة جواز هيروح الجنينة لوحده و يكتب ( أحمد – منار = راحة وسعادة وانبساط للأبد [ندعوك للتسجيل في المنتدى أو التعريف بنفسك لمعاينة هذه الصورة] 3-5 - 2010 ) .
- ده غير بقى الشعارات إلي ممكن تلاقيها علي الجدران إلي بتعبر عن نبض الشارع ...... ( لا للغلاء والإستغلال ..... الموت لإسرائيل .... لا للواسطة والكوسة ...... لا للتزوير في الإنتخابات ) الشعارات دي لو معارضه ...... أما بقى لو شعارات تبع الحكومة فهتلاقي مكتوب شعارات تانية ...... ( الضرايب مصلحتك اولا ........ نعم لمبارك [ندعوك للتسجيل في المنتدى أو التعريف بنفسك لمعاينة هذه الصورة]...... إسرائيل عربية .......... (نعم للتزوير ....... لمّا يكون في مصلحة الشعب [ندعوك للتسجيل في المنتدى أو التعريف بنفسك لمعاينة هذه الصورة] ) ...... واحد تاني يكتب ( ردا علي ما هو مكتوب ( لا للكوسة) .... أقول إلى كاتب هذه العبارة إنه شخص عميل ومجرم كيف يعترض على زراعة مصر للكوسة .... أيريد تجويع هذا الشعب العظيم ؟! ..... بل نعم نعم للكوسة [ندعوك للتسجيل في المنتدى أو التعريف بنفسك لمعاينة هذه الصورة]) .
الكلام إلي فات ده كان بالنسبة للحيطان ..... نروح نشوف كتابات تانية بتبقى على باب أي دورة ميه ....
هتلاقي واحد كاتبلك تحذير عالباب ( احترس ...... الحمام مراقب [ندعوك للتسجيل في المنتدى أو التعريف بنفسك لمعاينة هذه الصورة]) .......أوباظ [ندعوك للتسجيل في المنتدى أو التعريف بنفسك لمعاينة هذه الصورة].... وبعدين بقى في العطلة دي؟ ...... هو الواحد هيعمل زي ما الناس بتعمل ولا هيعد يدور على مكان الكاميرا ..
وتلاقي واحد تاني كاتب نصيحة (عزيزي العميل .... متنساش تشد السيفون وراك منعا للتلوث البيئي ) ...... الإمضاء ( شخص كان قاعد مكانك 14-3 -2003 ) .
واحد تاني بقى تلاقيه كان مر بظروف صعبة وهو آعد زي أعدتك دي , فكتب عالباب ( يا عم متحزقش ....... شدة وتزول [ندعوك للتسجيل في المنتدى أو التعريف بنفسك لمعاينة هذه الصورة]) .
عدل سابقا من قبل mama_yaqien في الأربعاء يناير 20, 2010 8:16 am عدل 3 مرات
هههههههههههههههههههههههههههههههههههههههههههههههههههههههههه ههههههههههههههههههههههههههههههههههههههه هههههههههههههههههههههههههههههههه لا دى مش الارض على ما اعتقد دى سنتك هتبقا لونها لون اللى واقف عليها دى والله عال عيشنا وشوفنا على اخر الزمن اللى اعرفه الارض خضرة انماصفرا دى عجايب الا صحيح مين اللى بيكتب ع السبورة دى يامندوتى سؤال بحت شحط محط