موضوع: حدوته التلات بنات الإثنين يناير 18, 2010 7:12 pm
كان ياما كاااااان ...... - من زمان ما سمعناش الكلمه دي والله - كان في تلات بنات ..... - اسماً فقط -[ندعوك للتسجيل في المنتدى أو التعريف بنفسك لمعاينة هذه الصورة]
ما علينا من اساميهم ... في داهيه الأسماء ... نبقى نخليهم يغيرو اساميهم خالص ... نخش على الكلام الكبير ... أوصافهم بقى .. - ايوه كده ..... خللي القعده تطري شويه -[ندعوك للتسجيل في المنتدى أو التعريف بنفسك لمعاينة هذه الصورة] التلاته ما يتخيروش عن رجل معزه عندها شلل .... امها كانت بتتوحم في كلب .... مضروب بعربيه بيجو ..... بعد ما شيّست من اتوبيس نقل عام .... [ندعوك للتسجيل في المنتدى أو التعريف بنفسك لمعاينة هذه الصورة] - يا نهار ازرققققق .... دانا باكره البنات بشكل -[ندعوك للتسجيل في المنتدى أو التعريف بنفسك لمعاينة هذه الصورة]
التلات بنات دول كان عندهم مشكله .... كان نفسهم يصاحبو اي حد والسلام ... والله ما هينقو .... انشالله حتى يكون شهيد في الحرب المشهوره ... بين امبابه ودار السلام .... مش فارقه معاهم ..... - بس اشوووووفه ... اشووووفه -[ندعوك للتسجيل في المنتدى أو التعريف بنفسك لمعاينة هذه الصورة]
في المدرسه ... كانت كل صاحباتهم البنات ... لما بيشوفوهم هاللين عليهم ... يقومو يجرو زي مايكون في طاعون داخل [ندعوك للتسجيل في المنتدى أو التعريف بنفسك لمعاينة هذه الصورة] ... دول لما بيطلعو من المدرسه ... العيال اللي واقفين عشان يعاكسو البنات لما بيشوفوهم بيجرو ولا كأن عربية اللى بالى بالك هاتقفشهم [ندعوك للتسجيل في المنتدى أو التعريف بنفسك لمعاينة هذه الصورة] ..... البنات كرهو التعليم خالص ... [ندعوك للتسجيل في المنتدى أو التعريف بنفسك لمعاينة هذه الصورة] - تقولوش كانو فالحين فيه أصلا -
أمهم[ندعوك للتسجيل في المنتدى أو التعريف بنفسك لمعاينة هذه الصورة] - والله صعبانه علي - كانت كل ماتشوفهم ... تقعد تندب حظها الهباب اللي رزقها بتلات حاجات شبه البنات ...... - يا اخواننا دول مخلوقات خرافيه ... مش بنات خالص -
قررت امهم انها تجوزهم ...... - مين الاعمى الاخرس الاطرش المرحوم اللي هايوافق ... ما اعرفش -
كان كل ما ييجي واحد ...ويبقى عايز يشوف العروسه ... ام البنات تقعد تقوللو ... احنا بناتنا مايتكشفوش على راجل ... - فعلا .... دول يتكشفو على عزرائيل -
وطبعا .. كل جوازه فاشله كانت بتنتهي قبل ماتتم اصلا .... - هو ده التطور الطبيعي .... للحاجه البايته -[ندعوك للتسجيل في المنتدى أو التعريف بنفسك لمعاينة هذه الصورة]
وفي يوم من ذات الأيام .... - والله الكلمه دي واحشاني - ... كانو البنات قاعدين بيقرو في الجرايد والمجلات ... - قال يعني بقى - قامت (شحروره)[ندعوك للتسجيل في المنتدى أو التعريف بنفسك لمعاينة هذه الصورة] نطت في السما وهي فرحانه ومزقططه .... : يا ربيي .. اوه ماي جاد ..- الله يرحم ابوها .. كان بيبيع بمب في العيد - بعروره [ندعوك للتسجيل في المنتدى أو التعريف بنفسك لمعاينة هذه الصورة] مالك ؟؟؟ في ايه ؟؟؟ صرصوره [ندعوك للتسجيل في المنتدى أو التعريف بنفسك لمعاينة هذه الصورة]: لقيتي عرييييس ؟؟؟؟ ... - زمن المعجزات انتهى يا بنتي -
قامت (شحروره) [ندعوك للتسجيل في المنتدى أو التعريف بنفسك لمعاينة هذه الصورة]هانم قاريلهم الجرنان .... .... ويتشرف مستشفى الدكتور (بهلول الاعرج) بالاعلان عن حضور الدكتور ( فيسكو دي بيجامه) خبير التجميل في جامعة (استبحس) وعلى من يرغب في الاستشاره ان يحضر للعنوان التالي ........ وعادييييييييييييكم على اللي حصل .... تنطيط وزغرته وشغل قرود
راح التلات بنات على العنوان بتاع المستشفى ... وحجزو .. واتحدد لهم يوم .... روحو بيوتهم وحرقو كل صورهم القديمه .... - خلاص بقى -
وفي اليوم المحدد ... راحو المستشفى وكل واحده منهم معاها صوره كبيره ... دخلو على الدكتور .. شحروره[ندعوك للتسجيل في المنتدى أو التعريف بنفسك لمعاينة هذه الصورة] : I WANT TO BE LIKE THIS وطلعت صورة (روبي)
دخلو غرفه العمليات .... وبعد عشر دقايق الدكتور طلع بره وهو شعره منكوش[ندعوك للتسجيل في المنتدى أو التعريف بنفسك لمعاينة هذه الصورة] .... وبيقول MALNA ELLY 3ALINA W ELBAKY 3ALA ALLH - الكلمه دي بياخدوها في سنه تالته طب هناك برضه -[ندعوك للتسجيل في المنتدى أو التعريف بنفسك لمعاينة هذه الصورة]
وجه اليوم اللي المفروض يشيلو فيه الشاش من على وشهم ... - موسيقى تصويريه -[ندعوك للتسجيل في المنتدى أو التعريف بنفسك لمعاينة هذه الصورة]
وجه الدكتور بطقم المساعدين والتليفيزيون وكل البشر عشان يشوفو المعجزه ...... وكل واحده من البنات البقر بتقول انا الاول .... لا انا الاول ...انا اللي قلتلكم يبقى انا الاول ... [ندعوك للتسجيل في المنتدى أو التعريف بنفسك لمعاينة هذه الصورة] - من الآخر ... قلبوها حضانه - في الآخر خالص .... عملو كل باميه ...... وجه الدور على (بعروره) [ندعوك للتسجيل في المنتدى أو التعريف بنفسك لمعاينة هذه الصورة]...
جه الدور على (صرصوره) [ندعوك للتسجيل في المنتدى أو التعريف بنفسك لمعاينة هذه الصورة]..... واول ما الشاش اتشال بانت الحقيقه المرّه ..... - عارفين قعر الحله اللي بيسخنو بيها الميه على سبرتايه .... لونه ابيض منها - - التاني -
و آخيرا .... (شحروره)[ندعوك للتسجيل في المنتدى أو التعريف بنفسك لمعاينة هذه الصورة] اللي كان نفسها تخللي الدكتور يسيب الشاش على وشها مدى الحياه .... بس الدكتور[ندعوك للتسجيل في المنتدى أو التعريف بنفسك لمعاينة هذه الصورة] قال: يمكن تكون العمليه نجحت معاكي انتي بس .... وفعلا .... شال الشاش .... وجاتله حالة عته مغولي مع شلل رباعي مضاعف ...... (شحروره)بقت شبه كائن السندرليك الأسطوري .... - والذي لم يشاهده بشر - - التالت -
وتوته توته ..... خلصت الحدوته .....
صحيح .... نسيت اقولكم ان امهم[ندعوك للتسجيل في المنتدى أو التعريف بنفسك لمعاينة هذه الصورة] نزلت اعلان في الجرايد من كام يوم
(مطلوب عريس وسندفع له كافه المصاريف + بدل انتقال + بدل طبيعة مهنه + بدل ما بناتي يعنسووووووووووووووووووووووووووووووووووو )
موضوع: حدوته التلات بنات 
الإثنين يناير 18, 2010 7:12 pm
