العيد خرب بيتنا

العيد وصل يا رجاله
وبكل حب نقوله مرحبا تعالي
شرفت ونورت
انت فين كل ده أتاخرت
وحشتا ضحكتك
واشتاقنا لفرحتك
ونتمني نسمع صوتك
ونحس بحنانك ورقتك
طبعا كل ده ضحك علي حضرتك

فرحت ولادنا
وخربت بيتنا
عيديه وفلوس بالكوم
والعاب علي كل شكل ولون
ولحمه غاليه والدنيا زحمه
وصلنا ل 90 مليون
خليت الواحد نام مهموم

اهلا وسهلا شرفت
وبكل حب اقولك نورت
ده التحيه ولاز اقدمها
مانا خلاص مش عندي غير التحيه
ومش معايا تمن هديه
ولا حتي كليو لحمه بتلو

سامحيني يا دنيا انا في ورطه
كل حاجه غليتي اسعارها
مش بقي رخيص عير ناسها
الكل علي بعضه بيدوس
والكل بيجرح في النفوس

انا موظف علي قدي
جاي العيد عندي ويهدي
مش عارف اعمل ايه ولا ايه
هدوم العاب لحمه زحمه عيديه
هعمل ايه وانا مهيتي يادوب تمن جزمه غاليه

معلشي بقي يا عيد
مش مهم تعدي عليا
ابقي تعالي السنه الجايه
يمكن يتصلح الحال
والاسعار ينزل شويه

اسف علي حزني ف الكلمات ديا
بس اعمل ايه محدش حاسس بيا
الكل بيقول يلا نفسي
وانا لوحدي في الدنيا


العيد بقي لاصحاب الفلوس فقط

اذا رأيت القلم يبكي يوما فاعلم ان سامر اعتزل الكتابه