هالقصيدة من كتاباتي حبيت اكتبها لكم لاني ابي رايكم فيها لاني احب النقد البناء
طبعا القصيدة كتبتها بالرجال
لانه في هذا الزمن قليل من يحمل كلمة رجل بكل معنى الكلمة وهذه القصيدة وياليت القى الرد عليها
( ابي رجال )
ابي رجال به رجولة تهز جــــــبال
وبه طيبة قلب موزونة بعقـــــلانية
ابي انسان للدلع والولع ميـــــــال
وفي ولا حب يخلص يحب بانسانية
يبعد شوي عني ويجيني بأحلى وصال
به شوق وبه ذوق وماهو بعلى النية
ابيه يشعلني حب بس ماهو بحب هبال
ابيه يرويني بشوق واحس بدفا الحنية
ابي رجال ماهو بمثل كل الرجال
الكل يشهد له بالشهامة والرجولية
به احترام وذوق يفوق الخيال
ابيه رافض حيل لحياة العزوبية
فيه حب للأسرة وحب للإستقلال
يتحمل بكل فخر الزواج والمسؤولية
ابيه يرويني بود ه وبس لي انا ميال
ما يشوف ابد غيري، قنوع باعتزازية
وياليت يخاف ربه ومستقيم الحال
مثل ما يحب لنفسه يحب اكيد ليَه
بس قليل اللي بهالزمن ينقال له رجال
تدور عليهم بشمعه وتلقاهم شوية
ومحال انا اتراجع في كلامي محال
اقوله وانا واثقه فيه ميه بالميه