MadaKinG


كافية عائلة الكينج يرحب بالسادة الزوار ويدعوكم للانضمام إلينا
 
الرئيسيةالبوابةس .و .جبحـثالتسجيلدخول
(( اهلاً وسهلاً بكمــ فى منتدى عائلهـ الكينجـ ونتمنى انـ ينــالـ المنتدى إعجابكمــ جميعــاً )) مع تحيات:بـابـا مـادا (*_*) ماما يـقين         تصميمـMando  

شاطر | 
 

 (النداهه)

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
elgasos



ذكر مواضيعى وردودى : 864
بــرجى : الميزان
اتـولـــدت يـوم : 28/09/1989
سجلـت يـوم : 23/12/2009
عـمــــرى : 27
عـمـلى : شيف

بطاقة الشخصية
مبروك: 10

مُساهمةموضوع: (النداهه)   الإثنين فبراير 22, 2010 1:18 am

[ندعوك للتسجيل في المنتدى أو التعريف بنفسك لمعاينة هذه الصورة]كانت الساعة يا دوب واحده وشويه
وفى السما باين بدر ونوره غامق شويه
والبلد نايمة وناسيه حكاية النداهة .
حكاية قالى عليها جدى وجدتى
وخالتى ام شلبايه .
قالوا على النداهة كلام وسمعت عنها
حكايات لغاية لما ورمت دماغى
وادينى دلوقتى قدام الغيط مستنيها
وقاعدلها فاضى .
ناوى اشوفها واطلع فى جمالها
واقول فيه حكم قاضى ..
هتعملى ايه يعنى
هتموتنى
وله حتحرقنى
ما انا كده كده رايح ...
من غير ما تندهى عليا يا صبيه
انا جيلك قوام
والله ما هممنى نفسى
ولا حتى كلام الشيخ علام
ده انا فلاح غلبان
وطوبى طويه على كمى ...
ومن كتر الكلام عنك حالف لقول لامى
تخطبك لابنها الغلبان

[ندعوك للتسجيل في المنتدى أو التعريف بنفسك لمعاينة هذه الصورة]





تعرف يا شيخ علام ان ابن العمده ندهت عليه النداهة :
معرفش ومش عايز اعرف يا سرحان :
ليه بس ده حتى خالتى شلبايه بتقول انهم لقوا جتت الواد فى الترعه مرميه ومغرقاها الميه وكان شكلـــــ...
انتفض الشيخ علام وقال ....
ابوس رجلك يا شيخ والنبى تقفل على الموضوع ده..
رديت عليه .
العفو يا شيخنا ده انت حتى شيخ ومؤمن بربنا مش كده برده؟
اه شيخ ومؤمن بس للاسف ضرير يعنى اعمى وربنا عوض عن عيونى دماغ بتتخيل حاجات زى الزفت .:
طيب وايه دخل ده بده يا شيخنا طيب اقولك انا هغير الموضوع ..
اتفقنا غير يا سيدى .
تعرف بيقولوا ان ام الواد عوض شافت النداهة عند الترعه وكانت امورة اوى و...
انا مااااااااشى ............فايت ليك الدار وماشى ويا رب تطلع لك
يا رب يا خويا
واخذ الشيخ علام ذيله فى أسنانه وانطلق بسرعة لا تدل ابدا على انه ضرير او اعمى !!!
لكن سرحان كان سرحان فى واحده بس ... النداهة وجمالها ...بيقولوا انها بتطلع عند الترعه ... اه فعلا
طيب ما انا اروح لها الترعة ... صح يا واد يا سرحان ينصر دينك
وجرى سرحان على الترعة وهو متوقع انه يلاقى اجمل انسانه لكن للاسف لقى شوية بهايم عند الترعه وبس !!
الله يخيبك يا سرحان بقى انا اتعب نفسى واجى عشان احب بهايم ...
وقعد سرحان على شط الترعه يحدف طوب زى العيال الصغيرة ويقول....
يا نداهة ما اعرفلك ارض...
والله لو اشوفك لعملك قصر ولو اعرف مكانك لجيلك جرى وجايب اكفانى معايا اه يا اجمل نداهة
ومرة واحدة لقى سرحان صوت من ورا ضهره بيقول ...
انت مجنون ؟
وقف الدم فى عروق سرحان وتنح وقال من غير لما يتلفت ...
انتى شرفتى ؟
من بدرى!!
طيب ممكن اعرف انت مين؟
انا النداهة يا امور...
اتحشرت الكلمات فى بق سرحان وقال ...
نحم .. مين حضرتك احممم مش قادر انطقها هو انتى النداهة .؟
اه انا ايه تحب اطلع لك بطاقة التموين عشان تصدق .؟
مصدقك والله بس مش قادر اتحرك وابص لك ...
ليه عفريته.؟
العفو هو حد يقدر يقول كده ده انتى قمر.
طيب قوم وكلمنى.
حاضر امرك بس قبل ما اتحرك انتى هتعملى بجتتى ايه .؟
هسلوخها واقطعها وارميها للقطط.
طيب ليه القطط انتى اوله والله .
ماشى انا موافقه انى اكلك بالسم الهارى .
بعد الشر بس هو فعلا انا جتتى مسممة وفيها دوده ., دوده اسمها البلهاريسيا ..
عارفاها وهاكلك بردو ..
طيب يا ست النداهة ممكن نتفاهم ؟
ازاى يعنى؟
يعنى اسمعك الاغنيه اللى انا غنتهالك وامشى ونتقابل بكرة عشان انا اتاخرت اوى والله وعايز امشى.
طيب غنى بس بصوت عالى .
من عنيا بس كده اسمعى يا ستى
يا قمر عالى ومش عارف له سكه ...
يا بدر منور فى كل حته .
يا واخده شباب البلد الجته
ورمياه فى ترعه وميه وسخة ,,
يا ام الشعر دهب
لونه لون النار وجسم عجب ,,
ياللى اسمك مش زى باقى البشر ..
ياللى قلبك قلب ملاك
واحن من حجر ...
والنبى يا ستنا النداهة
ياللى قلبى بيحبك
انا كنت عامل فيها شيخ الرجاله ...
رجعينى لأمى و سماح النوبة دى
عشان انا حيلتها من الدنيا الغداره ...
ابويا فى الجيش وامى اتحبست بسجاره ... لو موتينى
البلد كلها هتقول عليا يا ميت خسارة .. يا اجمـــ...












[ندعوك للتسجيل في المنتدى أو التعريف بنفسك لمعاينة هذه الصورة]

















































يخيبك يا واد انت ... انت بتكلم نفسك
بصيت ورايا لقيت الست ام شلبايه قولتلها لهو انتى النداهة ؟
نداهة لما تشيل اللى جابك واد قليل الادب ما اتربيتش انت بتعمل ايه هنا فى نص الليل ؟
رديت بكل شجاعه وانا فارد صدرى ...
كنت مستنى النداهة .
نداهة لما تقصف عمر اللى جابك انا هقول لبوك عشان يحبسك فى الدار ..
قوليله وقولى له كمان انى كلمت النداهة
وخليتها تحبنى وخدت منها معاد كمان ومش بس كده دى كانت عايزة تسلخنى
وتقطعنى وترمينى للقطط بس انا ربتها وعرفتها مقامها ومسحت بيها الترعه و
...

رديت عليه ...
ماهو باين من الميه اللى تحتك .
بصيت تحتى لقيت فيضان من الميه السخنه بس قلت ليها ..
ده بعد ما غرقتها فى الترعه طلعتها وعصرتها وترتشت تحتى شويه ميه ..
اه ما انا عارفه ... وخدت بعضها ومشيت على حرف الترعه وانا صرخت من وراها ..
يا ام شلبايه انتى رايحة فين ؟
ماشيه ..
طيب ممكن تخدينى معاكى اصل الدنيا برد وانا خايف اتعب .
وهو انا هدفيك وله هعمل لك ايه؟
لا انتى البرد ما يقدرش يهوب منك انتى ترعبى بلد بس عشان خاطرى ممكن اجى معاكى؟
بصت ليا بقرف ومشيت
يا ام شلبايه ما تسيبنيش عشان خاطرى والنبى يا شيخة طب روحى يا رب تطلع لك النداهة وتشرب من دمك و.... قومت اجرى وراها ....
استنينى والنبى عشان خاطرى يا ام شلبااااااااااااااااية




[ندعوك للتسجيل في المنتدى أو التعريف بنفسك لمعاينة هذه الصورة]














الرجوع الى أعلى الصفحة اذهب الى الأسفل
 
(النداهه)
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
MadaKinG :: ¨°•√♥منــــــــتدى الشـــــــعر والخــــواطــــــر♥√•° :: ¨°•√♥ركن القصص♥√•°-
انتقل الى: