ادخلى شوفى..بقينا بنشترى الامراض بالفلوس

السلام عليكم ورحمة الله وبركاته

الموضوع بكل بساطه والله انا مش عارفه اقول ايه حسبى الله ونعم الوكيل
انا كنت بتفرج على برنامج (واحد من الناس) اللى بيذيعه الاستاذ عمرو الليثى
البرنامج ده فعلا برنامج يستحق المشاهده لانه باختصار بيكشف فضايح كتير اوى فى مصر
وطبعا المسؤلين نايمين
المهم انا شفت امبارح البرنامج وكان بيعرض مشكلة قرية الرهاوى التابعه لمحافظة 6 اكتوبر
المشكله ان الناس هناك بتشترى الامراض بالفلوس يعنى الناس الغلابه هناك بيشتروا الفشل الكلوى وامراض الكبد بالفلوس
الموضوع ان محطة المياه اللى فى القريه دى بتضخ للناس مياه صرف صحى يعنى مياه غير صالحه للاستخدام الادمى
ولا حتى للزراعه ولا للحيوانات ولا لاى حاجه خالص
هقول ايه حسبى الله ونعم الوكيل فى المحافظين والمسؤلين اللى بينامو ويسيبو الناس تموت وبالطريقه البشعه دى
تصورى يا اختى انك بتشربى مياه مجارى (اى بول او فضلات براز) حفظنا الله
وطبعا الامراض اللى بتسببها المياه دى غنيه عن الذكر من فشل كلوى وامراض كبد وما خفى كان اعظم
والاهالى الغلابه يشتكوا والكومه الحلوه والمسؤلين الحلوين نايمين فى العسل ويا ويله اللى هيزن على خراب عشه ويصحيهم
انا مش متخيله ابدا ان فى مسؤل محترم يقبل بس مجرد فكره انه يشرب من مية مجارى
لكن هنقول ايه حسبى الله ونعم الوكيل
يعنى الطفل اللى بيتولد فى القريه بيتولد مريض لان اكيد الام كمان مريضه
بيتولد عشان يبقى طفل مريض مش قادر يعمل حاجه فى حياته غير انه يستنى ميعاد انتهائها وبالبطىء
يعنى الحكومه ولا المسؤل المحترم عن كل الفوضى دى وهو طبعا محافظ 6 اكتوبر
يعالج الموضوع من الاول وبدال ما يبقى عندنا مرضى وطبعا يحتاجو ادويه ومستشفيات
نفوش البدايه الغلط فين ونصلحها
وكمان مفيش بديل يا يشربوا المياه دو يا يموتوا من العطش المشكله انهم فى كلا الحالتين ميتين
دا حتى الاهالى بيشكوا ان لما الكهرباء بتقطع ميبقاش فى ميه من اصله
يعنى من الاخر بيشتروا الامراض والموت كمان بالفلوس
فعلا هم يضحك وهم يبكى
تخيلوا معايا يا اخوات لما كل الناس(اطفال ونساء وشيوخ وشباب)
اللى فى القريه دى يشربو من المياه دى وتخيلو ايضا كم الامراض
دا حتى الناس هناك بيشتكوا انهم كمان مش بيقدروا يدفعوا فواتير المياه
انا عايزاكم تدعو لهم ان ربنا يشفيهم ويحركلهم حد يهتم
ويعملو لهم محطة مياه جديده تضخ لهم مياه صالحه للاستعمال الادمى

على ما اظن يا يقين مش هنلاقي ان دي البلد الوحيده اللي فيها الاهمال ده انا متأكده ان اغلب مدن وبلاد مصر فيها القرف ده

وطبعاِ المسؤولين اللي قاعدين في تكييف وبيشربوا مياه معدنيه عمرهم ما يحسوا بالغلابه دول

ربنا يحفظنا حتى المياه لوثوها بقلة ضميرهم

اشكرك يقين على موضوعك المهم

يلا طماطم ملوثه يلا خيار مسرطن يلا بطاطس بتموت يلا مياه بتعفرت ادخلى شوفى..بقينا بنشترى الامراض بالفلوس 635972

فعلا يا ايمى انا معاكى طالما هما فى التكيف عمرهم ما هيحسو بى الناس التانيه
نايس توبيك يا يقين
تقبلى مرورى

» °•.₪.•° °•.₪.•°( °•.₪.•°ادخلى واعرف شخصيتك من نوع شعرك) °•.₪.•° °•.₪.•° °•.₪.•°